الله يا صاحبي وان كنت ما تدري

لو كنت تدري بعد ما رحت وشجاني

انا مكتم واحس بضيق في صدري

الهم من بعد غيبتكم تلقاني

شيب بي الوقت والايام من بدري

وكثرت جروحي وكثرت بعدك احزاني

صبرت حتى بغيت اموت من صبري

ولا جيت ابحكي عجز لا ينطق لساني

خلاص ضاقت بي الجلسة نويت اسري

نويت اروح بعيد,, هناك,, وحداني

بعدك نويت ابتعد وين ابتعد مدري

ما غير انا والجروح ونزف وجداني

قدرك عرفته ولكن وين هو قدري

اخاف مع دورة الأيام تنساني

اخاف بكره تمر اسنين من عمري

ولا جيت في دنيتي تنسى وتجفاني

واخاف بكره تجي منته على خبري

ولا تغير تجيني واحدٍ ثاني

ويمكني اموت واصبح ضيف في قبري

من بعدها ما يفيد اسمي وعنواني