يا بدر نور على العشاق يا محلى لياليك
محلي السمرتحت نورك يوم نورك بالفضا ساد
يا ما سمرنا مع اللي يا قمر حسنه يماريك
عسى ليالٍ مضت مع سيدي ترجع وتنعاد
هم يحسبوني بعد طوال المدى لا شك ناسيك
واثره اليا زادت الايام نار الشوق تزداد
اتعبتني في هواك وفي جفاك وفي تغليك
ارفق بصب تعنى من جفيته حرم الزاد
عذبت قلب حلف يا زين والله ما يخليك
واسهرتني يوم كل يا الغضي مرتاح برقاد
قلبي يقول انت لتسوى حيه وميته ويغليك
في كل شيء فؤادي يا حسين الدل لك جاد
والخاتمة بعتني وانا الذي يا زين شاريك
ارحل عسانا على جرحك مع الايام نعتاد
