مشيت والخطوة تسابق مدى الشوف
واسرعت تدفعني عواصف لقاها
ضايع انا قبله بي اليأس والخوف
ترعبني الأيام واخشى شقاها
جيت وملامح فرحتي تطرق الجوف
وجود المصاعب بالتلاقي نساها
حتى الامل في شوفته صار مالوف!!
وروحي حزينة وبحنانه كساها
في موقفٍ فيه الوفا يشهر سيوف
قامت تهيم وترتمي في عناها
تشكي عذاب الوقت والقلب ملهوف
وصرخة تجول وتحتضر من رجاها
رغم الوداع اللي به الضيم محفوف
همس الغلا بدموع عينه غشاها
وراحت تقاسي لوعة البعد وظروف
وتعزف عذابي فوق عالي سماها
اجمل قصيدة صاغها احساس بوصوف
واصدق مشاعر هي حقيقة غلاها