لا تبحثين الجرح يابنت تكفين

يابنت جرح مات لا تبحثينه

ما نيب من يتبع من الناس مقفين

حقه علي القلب والله ما اهنيه

روحي خلاص ارجوك لا عاد ترجين

خلاص لا ترجين من لا تبينه

لا تحسبين الناس بالنوم غافين

كم واحد ما ذاقت النوم عينه

وكم واحد جرحه تبدل بجرحين

أدخل على الله بس لا تجرحينه

انا الجريح اللي طعونه بسكين

سكين حورٍ بالملاقا سنينه

وانا الصويب اللي صوابه من العين

حورٍ تشعشع وسط موضي جبينه

اصيح بأعلى الصوت أرجوك كتوحين

توحين من ماضيه سبب حنينه

توحين من طلت دموعه من العين

تذرف دموعه لاقبل الليل عينه

ياما سهرت الليل والناس ممسين

وياما على فرقاك ذقت الغبينه