من دونه الليل متعب واجد ازعاجه
من دونة الليل يا طوله,, ويا ضيقه
بغيابه القلب بابه شك مزلاجه
بغيابه القلب مجنونة معاليقه
ليل السهر ضاق ماله بالسهر حاجة
دام المواعيد مرهقها بتعليقه
الخوف طول الغياب يصير منهاجه
من رهبة البين نبض البعد ما اطيقه
ما ياصف الحال بحر الشعر وأمواجه
وفي نظرته يم حالي من مغاريقه
متى بوصاله يموت الذنب واحراجه
ويبتر زعلنا ويعده من مفاهيقه
لا ماه معطف عن برد الجفا احتاجه
لو يمشي فراق يدري بالغلا يعيقه
يلبس تواضع غرامه والحسن تاجه
بكيفي وكيفه شغف شعري وطواريقه
من دلل الهرج ذاب السمع بغناجه
ومن صادف القلب غنى الحظ توفيقه
