عبدالعزيز اللي بنى المجد ورساه
ووحد شتات المملكة عرضها وطول
اعاد الرياض وحقق اللي تمناه
مع أربعينن معه شجعان وزحول
داس الخطر في غبته وسط مبناه
عزمه معه والسيف بيديه مسلول
عبدالعزيز اللي مشى بحد شلفاه
وطوّع بلادٍ بين جاهل ومجهول
ولله حكمه يوم بالحكم ولاّه
ودين الإسلام بحكمته صار مصقول
واليوم لنا بدولته قرن طفناه
ننعم بنعمة والي الكون ونجول
في بحرها وفي برها مدن وقراه
والجو فيه الأمن ثابت ومعقول
والحمد لله كل خيرٍ غرسناه
والخوف ولّى والأمن زاد مفعول
وصلاة ربي عد ما نسمع أنداه
على النبي الهاشمي خير مرسول
