نشرنا الأسبوع الماضي لغزاً كتبه الشاعر فهد الطويان يقول فيه:

أنشدك عن رجال للناس مدهال ما ضاق صدره يوم باله وسيعي لا دق بابه ضيف ياتيه بالحال ضيوفه تعاقب دوم شال الجميعي في خدمة اللي جاه ما حسب المال عند تساوى كل شيخ أو رضيعي

وقد جاءت الحلول الصحيحة التالية:

أهلا هلا أعداد ما هل همال وأعداد براقا برده سريعي بفهد عقيل الخالدي ذرب الأفعال ساس الرجال الطيبين الشجيعي اللغز حله يا فهد ما به أجدال اللفت يخدم من صعده ويطيعي لا شك حذري منه ياطيب الفال من دون كهرب يابوخالد لكيعي

*******

المصعد اللي فيه صاعد ونزال يشيلنا لا صار وضعه طبيعي أعني إذا هو يا فهد ما به أعطال إذا عطل لو نطلبه ما يطيعي يا ابن عقيل الله يكافيك الأهوال في جاه رحمنٍ عليمٍ سميعي يا ابن عقيل العمر فاني ولو طال الله يحسن خاتمتنا جميعي الله يوفقنا لزينات الأعمال نمشي على هدي الرسول الشفيعي

*******

اللغز كله فن وروعة بالأمثال من قيل أبو خالد لفانا سريعي عبر الجزيرة للجزيلات مدهال ما ينشر إلا كل قولٍ رفيعي واللي عنه تقول ما حسب المال هذاك لفت شال شيخ أ ورضيعي

*******

يالفاكس وصلي سلامي على الحال طبق الأصل يالفاكس خلك سريعي أعداد ما ينزل من الغيث همال وأعداد نبت الأرض وقت الربيعي على الرجال اللي يحكمون الأمثال ما أخص فيها ذا ولا ذا جميعي والفال عقبة عقال يا طيب الفال تاخذ وتعطي في الشراء والمبيعي تنشد عن اللي في البنايات حمال يا زين طبعه يا فهد لك مطيعي المصعد اللي حط للخفاف واثقال لفّت البناية صار وضعه طبيعي

*******

يا مرحبا ترحيبةٍ تشرح البال ترحيبةٍ من هيض بال وسيعي ترحيب تكتب وتقرأ بالأمثال والحل في مضونها ما يضيعي المصعد اللي له طلوعا ومنزال له خطةٍ عن دربها ما يضيعي

*******

البرق يبرق والسماء جابه خيال والعين مشتاقة لشوف الربيعي وشوف الرجال الطيبة يشرح البال ويشرح هموم الصدر لو هي وليعي سلام مني لأبو خالد على الحال عبر الجزيرة ياصلك ما يضيعي والمصعد اللي شال طفل ورجال يابن عقيل الأمر هذا طبيعي الطيب سلعة والغدر طبع الأنذال والزول ما ينفع خطات الهزيعي

*******

أهل التراث أصحابنا كيف الاحوال عسى الجميع بخير ينعم طبيعي جانا سوال مبهمه طيب الفال حط السوال بكل ذوق رفيعي اللفت حله ريح الفكر والبال يصعد وينزل دوم راضي مطيعي

*******

ياهل التراث اللغز مافيه مدخال قاله فهيم بالقوافي ضليعي فهد عقيل امعرب الجد والخال الخالدي حلي يجيله سريعي رجل تبي معروف يا طيب الفال اللفت لامر اللي يزوره يطيعي

*******

يا الله يا منزل تبارك والأنفال تحمي وطنا يا الكريم السميعي وتعز حكام لنا درع وظلال وتستر على كل الخلايق جميعي عسى بلدنا فوقها المزن همال يفرح به مزارع وراع القطيعي فهد عقيل مشيك شماغ وعقال وعن الدرج يطلع (بلفت) سريعي

*******

الشاعر اللي فصل اللغز تفصال رجل على حل العقد يستطيعي أهلاً هلا به عد ما حل همال ترحيبة مني تعم الجميعي عنا بعيد وطيب ذكره على البال نشري معرفة مثلهم ما نبيعي اللفت حل اللغز يا طيب الفال وإلى طفى الكهرب عصى ما يطيعي

*******

حييت يا راع الوفا يا بن الأبطال يا كاسب العليا وراع الصنيعي يا طيب المبدا ويا طيب الفال يااللي اتعسف القاف لينه يطيعي لغزك ترا واضح ولا فيه الأشكال يا ابن عقيل اللي تفك المنيعي ترا هو اسنصير مابه ولا جدال كم واحد وداه منزل رفيعي

*******

الحل عندي يا فهد طيب الفال به ناس تدله وناساً تضيعي اللفت ما يحتاج له كل رجال اجدودنا عاشوا بدونه طبيعي لكن بعضنا يا ولد صابه اهبال أهم حاجة كيف ياصل سريعي

*******

بديت باللي للصعيبات حلاّل للي توكل به حشى ما يضيعي ومن بعد ذكره نبدي الرد بالحال عساه ياصل بالجزيرة سريعي المصعد اللي قلت يا طيب الفال يصعد بشخص ونوب ناساً جميعي وختامها بأحسن تحيات وإجلال إعداد نوار الزهر بالربيعي

*******

أشهد شهادة حق والحق ينقال إن الجزيرة من اورود الربيعي عسى عليها ردف المزن همال غيث على دمث المنابت يميعي قريت لغز بالمهمات نزال لبن عقيل أهدى الأسنّه امطيعي اللفت يوم اللفت للحمل شيال يقفي ويقبل بالمحال السريعي

*******

أنا هواية بين غرمول وجبال في عبلة شمة هواها طبيعي البدو فيها بين الأقذال نزال يا زين منزلهم بجال رفيعي كل على طلب الرجا يمدح الفال ويرعى بذوره في ليال الربيعي بالقيض مالاذوا عن الشمس بظلال ولا همهم بعد الدير والنجيعي أمشي لهم رجلي مع الدرب لو طال ورقا وحول ماش (لفت) سريعي

*******

فهد عقيل أجرى على اللفت الأقوال كل يقول اللفت حق الجميعي من شاعر يعرف للألغاز مدخال ويخرج حلول للمعاني تطيعي

*******

يا الخالدي حييت يا نسل الأبطال يااللي مقامك بالمقام الرفيعي يا بن عقيل الرد في خاطري جال وأنا على المصعد أجهز رجيعي عندي إجازة صيف يا طيب الفال وان قدر الله نجتمع بالربيعي

*******

لغزاً قريته ما بعد جاله أمثال لغزاً حكيم وكل نظمه رفيعي نظم العقيل اللي على الشعر يحتال اليا صخر القيفان غصباً تطيعي حليت لغزك كان للغز حلال لفت الدرج لأدق زره سريعي

*******

أنا قريت اللغز يا طيب الفال عبر الجزيرة يوم وقتي وسيعي هذا تراه اللفت يأتيك بالحال عند الطلب لا صار وقتك سريعي

هد الخيال بروضة الفكر واجتال وفزيت اخيله يوم رفرف سريعي يا الله عسى صيده جزيلات الأمثال حتى مع الشعار أنا اشري وابيعي واصعد على (مصعد) وفيين الافعال اللي لهم بالعرف قولٍ بديعي أغير معهم لابدا اقفاي واقبال واساير خطاهم حسب ما استطيعي

*******

كم واحد للغز ياالقرم حلال في صفحة لأهل القصايد ربيعي صفحة تراث يقودها طيب الفال يحبيك مردود النقا ما يضيعي ترى الدرج يتعبك في بعض الأحوال خص إلى من صرت ما تستطيعي والمصعد اللي للصعيبات حلال هو حل لغزك دايم لك يطيعي

*******

المصعد ما غيره عرفناه في الحال من لمس مفتاحه يجي له سريعي إمريح ما يتعبك والدرج غربال الفرق شاسع كالدهر والربيعي عبدالرحمن منصور العدوان يا مرحبا باللغز من راس رجال له بالكرم والطيب صيت يذيعي وبعد التحية يمك الرد بالحال يا بن الرجال اللي شرفهم رفيعي مرسل لنا لغزٍ به الفكر يهتال من شاعر ينظم كلام بديعي دونك جوابي لصفحةٍ مالها امثال اللفت حله يا عسى ما يضيعي

*******

البارحة في حال والناس في حال وأخشى على عقلي يروح ويضيعي دنيا تقلب لو زهت شالها مال دنيا الشقا يشيب فيها الرضيعي لا واخساره يا الوفي نسل الأبطال رجل الوفاء والجود رايه سنيعي ابن الفهد عز الوطن ضد من عال عله لفانا اليوم علما فجيعي يا الله عساله بجنة الخلد منزال وابن الفهد والحور جعله جميعي ويا كاتباً لغزك عسى الرشد لك فال اللفت خمسه فيه وضعه طبيعي

*******

يا مرحبا ترحيبة تشرح البال من خاطر شرح وصدر وسيعي تنصى جماهير الجزيرة ومن قال يسلم لسانه لابغى له يطيعي يشيلها لفت صبور للثقال يطلع وينزل خدمة للجميعي

*******

ما كان يخطر لي منول على البال واليوم عند الناس شي طبيعي ياللي يتعبك الدرج كل ما طال الراي عندي بس وافق وطيعي عليك باللي شال من كل الازوال لفتٍ يوديك ويجيبك سريعي

*******

با بن عقيل اللغز ماهوب بطال ما هي غريبة منك شيء طبيعي (لفت) حياته بين مرقا ومنزال يرقا وينزل وان ومرته يطيعي

*******

سار القلم والزاج من ريشته سال يكتب على طرسٍ بياضه نصيعي قريت لغزك يا فهد طيب الفال اللفت بخدمة زايرينه مطيعي

*******

يا بن عقيل اللغز وافي بالاكمال يا شاعرن بيطارقافه فظيعي نعطيك حل اللغز يا طيب الفال من شاعرن له المعاني تطيعي اللفت له مصعد جلوس ومنزال ولا يسكن إلا في مكان رفيعي