محاورة جرت بين الشاعرين الكبيرين حمد بن عبدالرحمن المغيولي (رحمه الله) ومحمد بن ثعلي والتي جرت في محافظة عنيزة.
محمد:

اسمعوا من شايب ذاكر عصر الشباب يوم عمري ما تجاوز ثلاثين وعشر لا دخلت الملعبه للخصيم أضرب حساب واتعرف منهجه وش وراها من الخبر

حمد:

أنا أذاني سميعة هج باب وصك باب والغمامه بالمساء ما تجيدون القمر كل رجلٍ يفتهم والجزاء قدر العتاب ودك ان المعتمر ما يغر من الحرر

محمد:

كم سودا ليلةٍ به تلقيت الصعاب لا تجتمع بالملعبه جمع بدوان وحضر أدحم الملعب بجنب متين ما يهاب زهبتي في محزمي بالخطر لا جا الخطر

حمد:

ما نردي سمعتك سمعتك فوق السحاب وانت ربك عارف ويش يفعل بالبشر إن بغيت الدرب جهز ذلولك والزهاب والمخاطر يرمي الغيص في جوف البحر

محمد:

الله أعلم يا حمد بالخطيه والصواب والسوالف ماضيه والهوى يعما الأثر مير عطني يا حمد من طواريف الجراب وان بغيت اخطي الهدف فالضياع من الكبر

حمد:

فرق الأخوين بحثت براثين الغراب والله اللي مطلع وش ورا سد القدر عشر روس من الغنم ما تكمل لك نصاب يا عيون جارك الله على طول السهر

محمد:

العلوم إموضحه قاريٍ وش بالكتاب يا حمد خل القشر ما حصل مني قشر بيننا وياك ما فيه رمي ولا حراب المزاعم بيننا ما يوهلنا فخر

حمد:

ول عودٍ شايبٍ خير عمره للذهاب يا حليل العجه اللي يجي بعده مطر دام شمسك ما انتحت يا محمد للغياب سوق رجلك سوقها والدجا بعده فجر