مثل ما قيل (الضد بالضد مفضوح)

قالوه بالماضي رجال فهيمه

لولا ظلام الليل ما صار به ضوح

ولولا الردى ما صار للطيب قيمه

وحياتنا لو دامت أفراح بفروح

تصبح من فصول الإثارة عديمه

إبد الحياة بعزم لو كنت مجروح

لا تقلب أوراق العذاب القديمه

فكر بلا مجهود ما فيه مصلوح

والفهم ما ينفع ردي العزيمه

والصبر يجعل باب الآمال مفتوح

لا صرت مؤمن والعقيده سليمه

والحر في كبد السماء يبعد الشوح

له همةٍ فوق الكواكب مقيمه

يهوى المعالي لو دفع لجلها الروح

ترخص على شان الحياة الكريمه

بينت لك كل التفاصيل بوضوح

من تجربه لو هي يتيمه عظيمة