الشاعر عبدالعزيز الدعيع والد نجمي آسيا الكبيرين عبدالله ومحمد الدعيع كتب مرثية في فقيد الأمة الامير فيصل بن فهد قال انه تأخر في نظمها لتأثره من رحيل الأمير الإنسان:

من حائل نرسم خطاب ومنظوم إل خادم البيتين رسمي نبيلة وعبدالله وسلطان شيوخ بهم زوم اللي حمو كل القبايل وشيلة يالله يا رافع سموات ونجوم يا عالم بلغيب عدله وميله ترحم ابونواف يا فارض الصوم في جنة الفردوس يسكن طويله شيخ تواريخه عظيمات وعلوم ريف اليتيم لى تردا يشيله فيصل اذا جاء العند بلعلم مفهوم فيصل عريب الجد نعم القبيله فيصل عزيز الجاه ما قلت معلوم اللي رفع كل النوادي جميله والله ورب البيت والعرش والصوم ما هقوتي ان الحور تالد مثيله اختاره المولى ولا بلقدر لوم من حبه الله الخلايق دليله الموت في كل المخاليق مقسوم الدايم الله واحد نلتجيله الله يوسع مدخله دايم الدوم عساه بجنان تغطرف نخيله سلطان اخو فيصل شقيقه رسا اليوم ما غاب ابونواف هذا بديله كله حرار به علامات ورسوم من نسل شيخ وضح الله دليله من حاتم نرفع كتاب ومختوم لسلطان اللي بالثقافة خليله ونواف ابوفيصل يجيله ولد يوم بسم الحبيب اللي تقدم رحيله اختم صلاتي واثنيه كل ما قوم اعداد ما زار الحرم وتهليله على نبي له علمات ورقوم سيد البشر كل البشر هو كفيله