الخفوق اللي ذبحني بالعروق المرهفة
تغسله همسة حبيب وتجرحه نسمة هبوب
ما عرف عوج الدروب ولا تصنع تكلفه
يوم بعض الناس يظهر هرجها عكس القلوب
في زمن خبث النوايا منهو اللي ينصفه
يطعنه سيف الصديق ولا عن وصاله يتوب
لا مني فيه الكثير وقلت قلبي واعرفه
لو أقول,, انه تغير صرت ياربعي كذوب
جرحه اللي بالمحاني ما تجرا ينزفه
يكتم الاحزان حتى في بحر حزنه يذوب
والسراب اللي تمكن في مرابعه أتلفه
يزرع آماله شمال وتنبت لغيره جنوب
ينبض اخلاص وتفاني للعنود المترفه
من غلاها هام فيها وابتدا حب الطروب
غادة من يوم حلت بالظلوع المهدفه
اشرقت شمس المحبة واسفرت كل الدروب
