ماهوب من كثر روحاتي وجياتي
مير الزمن في طريقي جرد سهومه
اليوم شانت ومل الصبر من ذاتي
ياعونة الله ورى الأيام منجومه
قلت اقطع الدرب والهقوات هقواتي
واصبحت بين الخيال وشامخ رجومه
جيت اسبق الوقت واحقق طموحاتي
واجحفت في حق قلب الهم وعزومه
انا تخيلت وأثر غليس ما ماتي
غليس نايم وتوه قام من نومه
الناس قالوا وقلت وشفت شوفاتي
ياكثر ناس تبيع الطيب بسلومه
خل الليالي على ما تشتهي تاتي
لا صار فيها بشر بالحقد ملزومه
الطيب راعيه في طاريه ما باتي
الطيب للي يجيب الطيب وعلومه
واللي على ورثة الأجداد متواتي
والله ما ابدي عليه الهرج والومه