اسأليني بعثري بعض الحلول

واجمعيني لين تلقين الجواب

ملت أفكاري تجاذبك الوصول

يا عسى بارك تباشيره صواب

في زوايا الليل وأطراف السهول

شع نبراس الموانىء والسحاب

طبعه الخافي مراويح الفصول

به مسافات ومتاهات وسراب

آه لو يدري عن أفكارٍ تجول

في ضميري حلم وآمال وعتاب

فتنتي يا روعة الرمش الخجول

لي متى والقلب يشكيك الذهاب؟

جاوبيني يا مراسيل الذهول

حيرتي ترقص على كف الرباب

عاتبيني وان بغيتيني حلول

أسأليني واشربي عيني جواب