سلام يا ميرٍ به الطيب والوفاء
متسلسلٍ من شجرة آل سعود
سلطان بن عبدالعزيز أبو خالد
راع المكارم والوفاء والجود
يشهد له التاريخ لاحل ذكره
يشهد له الله والعباد شهود
يا مرحباً يا نجل صقر الجزيرة
يا شبل ليثٍ من عرين أسود
عبدالعزيز أبوك وأنت بن البطل
متوارثين الحكم ورث جدود
أنتم حماة المملكة يا صقورها
بعد حماية ربنا المعبود
يا مرحباً شرفتنا يا بو خالد
رياض الخبراء بالفرح تزود
يا مير فرحتنا بشوفك عظيمة
أفراحنا ما تنوصف بحدود
الفرحة الأولى بشوفة مليكنا
طيب وسالم والعدو مضهود
الحمدلله والثناء في خروجه
يسلم ويبقى للوطن عامود
نهني ولي العهد ونهني الوطن
نهني ولي العهد وآل سعود
نرفع لابو متعب تهاني مع الفرح
ونهنيك يا سلطان ثم نعود
للمملكة واللي بنى الساس وأسس
عبدالعزيز اللي بذل مجهود
بمرور مائة عام مرت على الوطن
من البداية والعدد محدود
واليوم صارت دولةٍ عالمية
من فضل من ينشي هبوب النود
أفراحنا يا مير فيكم كبيرة
عسى الفرح في كل عام يعود
يا ناصرين الدين في كل دولة
لكم علينا طاعةٍ وعهود
من ينصر الاسلام يسعد ويهتني
وأنتم بنصره نصركم مشهود
نصركم اللي يعلم السر والخفاء
ما هو من الحاسد ولا الحسود
تشهد لكم يامير شبه الجزيرة
واللي فنا واللي بها ماجود
وتشهد لكم كل الدول بالعدالة
ياهل الوفاء يا صادقين وعود
يا مرحبا سلطان راع المكارم
يا قايد القوة تقود فهود
قوات بر وبحر والجو ثالث
الجيش كله للمليك جنود
يالنايب الثاني تقبل سلامنا
واسمح لنا عن نقص والا زود
مشكور يا راع الوفاء لك نقولها
عليك دايم للثناء مردود
يا مير ما ننسى جهود إميرنا
فيصل ولد بندر قوي زنود
كل القصيم بجهد فيصل تطور
الحق ما تخفي سناه السود
من شجرةٍ ربي يبارك غصونها
من شجرة فيصل بها معدود
من شجرة آل سعود غيث الجزيرة
حكام غيثٍ للوطن وعدود
الله يوفقهم على الخير والهدى
ندعي لهم ما هل وبل رعود
مثل البداية بالتحية ختامها
سلام يا سلطان راع الجود
وآخر كلامي في صلاةٍ على النبي
ما سالت البيدا وما خضر عود