دخيلك ناظري في حالي المنهار بأسبابك
أمانة واتوسل ترأفين بحال مفتونك
أنا اللي كل ما فيني غلا والقلب يهنا بك
وأنا اللي يا حبيبي من غلاك اليوم مجنونك
بعد ما كنت لك كل الأمل والعشق يزها بك
تبدلتي بطبعك واختلف حبك لمديونك
أشيل بداخلي حلم اللقاء والحزن واعتابك
أعاني من هموم فراق والهجران وظنونك
بحر هجران تجرعته وزاد بعلقم غيابك
وفيضت النهر من مدمعٍ لعيون يغلونك
وسألتك بالذي سواك قلبي وش سوا بك
سوى إنه قال كل الحب والعشاق يفدونك
دخيلك وش بقى حتى تحس بجرح من صابك
على أمرك لوموتي يدفع اجلك مت انا دونك
ترى لي قلب لو زاد العذاب بصدق ما عابك
تفنن في عذابي والمهم كيف انت وشلونك