لو ضحكت لعيون الناس تبكي جروحي
كل جرح يصيح بداخلي يشتكيني
الف دمعة بعيني والف جرح بروحي
يوم انا ارسم على محياي ضحكة جبيني!
اتجاهل ابي صبري يداري وضوحي
واخفي الحزن بأعماقي وهو محتويني!
اقرب الناس مني من قتل بي طموحي!!
وابعد الناس عني من مسح دمع عيني!!
آه يا صغر حلمي,, وآه يا كبر نوحي
دام بي عرق ينبض ما يبطل ونيني
ايه حاولت,, اخفي عن مسامعك بوحي
قلت: بأشيل همي والصبر يحتريني
وطال فينا الطريق وصار صبري شحوحي
ما تجمل,, ورافقني لآخر سنيني
جيت ابلعن مداه وراح يلعن جموحي
وقبل اغمض عيوني عشعش اليأس فيني!