هم وعذاب وحزن ومفارق احباب
هذا الكلام المختصر عن حياتي
ودنياً تعاندني بلا ذنب واسباب
من عشت فالدنيا وهذي سواتي
لو انفتح باب تقفل مية باب
كن الزمن بينه وبيني عداتي
انا وحظي فالزمن مثل الاغراب
حظي وحطم لي جميع امنياتي
يا كم نصحت القلب لاشك مرتاب
وصيت قلبي ميرضيع وصاتي
للمجد للاخلاص للحب طلاب
في هالزمن صارت من الكايداتي
لاني بلا منافق ولاني بكذاب
الحمد لله ما تجي في صفاتي
اشكي لحلال المصاعب والانشاب
فيما مضى وايامها الحاضراتي
افزع يابو مقرن ترى القلب منصاب
يا فزعتي يا عزوتي يا غناتي
هذا الصحيح وكل شي له اسباب
وهذا الكلام المختصر عن حياتي
