حبيبتي وش بقى مالك ومال اللوم
لا تجرحيني,, تكفّي عيشتي المرّة
جيتك امل عايش بوهم وسراب علوم
شايل معي حلمي وآهات مجترة
تعبت اعاند بحر,,ويني ووين العوم
لابوي غواص ولافي مهمهه درة
انا بدوي ما تغيّرني جديد هدوم
الباس والعزة وعاداتي الحرة
اعيش احبك عطش قاسي وانا ملزوم
من يقطع البيد لازم يتبع الجرة
وعرق الظما ينبض بريح المطر محروم
اخايل البرق ومزونك على غرة
العين تدمع فرح والقلب فيه كلوم
خايف زمان الجفاف يعاود الكرة
اليوم,, اقول,, ويجي بكرة واقول اليوم
كم راح بكرة ولا جيتي ولا مرة
حبيبتي ما بقى غير العتب واللوم
ما كل مرة نلوم وتسلم الجرة
