احبك حب ما حبه بخلق الله ولا انسان

عديم احساس لا يمني ليا قلت اني آحبك

عسى مافات ما يرجع مهف مقيط للي كان

اقول لنار تعذيبي بدالي فيك من شبِّك

قطعت حبال دلو الياس مالي بالمشاكل شان

اخذت من العنا المقسوم والباقي على ربك

حمينا روض فيضتنا عن اهل الحقد والعدوان

رجح ميزان حبي لك وربي بالحشا صبك

اليا غبت اغيب بغبة احلام الكرا غرقان

واذوق الموت بغيابك ولاكن مقدر آسبك

صحيح ان الصراحة والوضوح تريح الخلان

بدون مجامله رحبت بي وان جيت ارحب بك

تعلقت بسعة صدرك وشوفة ضحكة الحجان

ولقيت اللي غدتلي من زمان وجابها ربك

ترا قلبي معي ربعه وكل اللي بقا حرقان

تبي تلحق على باقيه والّا تفزع بطبك

ابا انسا ما مضى تكفين وامسح لوعة الحرمان

ابي احيي ضحكة ماتت واجر الصوت واطربك