في زحمة الاصوات,, ما هز الخفوق الغض صوت

مدري عزف,, والا توارى في ركام الذكريات

يمكن لقى فيها حياة للمشاعر بعد موت

الصدق عزة,, والتلون ذل نفس وموت ذات

شاف العنا كل العنا, من جد هند, ومزح نوت

سوالف العشاق كثرت سارحات وضاويات

وانا اتحرى,, واتدرّى لا يروح العمر فوت

متعلق بسمول صبري,, كود يلتم الشتات

اضحك على حال الغشيم اللي يلوت الهرج لوت

وابكي على بعض القصايد والرسوم الباليات

يا صوت ,, يا اللي ما تجاوز عقبك الاسماع صوت

مديت بك حبل الرجا,, وخيول ياسي مسرجات