مع هيضة القمري اليا ذعذع سهيل
ياناس ودي بس لوهي على الكيف
اليا ارتفع ورد امهات المخاليل
وتراقصت روس المزون المراديف
وقام يتراهش برقها تالي الليل
في مدلهما ما تحداه العواصيف
نيل سحابه وانهمر بازرق النيل
صدوق نوا يبهج الصدر ويخيف
يسقي مشاحي مبعدين المراحيل
من شرقي مغير الى حرة طريف
وليا تساقن راهيات الشهاليل
جبنا الونيت ولا تهاب التكاليف
نبغى نتسهل ياعساها تساهيل
مع خوة اللي ما عليهم محاذيف
لو يوم خوت غاتمين الرجاجيل
تسوي حياة اللي على الدجل حريف
