هذه القصيدة للشاعر ندا محمد الديري الحربي من اهالي منطقة القصيم بلدة قطن مركز قطن بمناسبة اليوم الوطني للمملكة العربية السعودية اعزها الله وحفظها بالاسلام وقادتها البواسل وشعبها النبيل كما تعيد للأذهان صاحب الفضل الاكبر بعد الله الا وهو صقر الجزيرة جلالة الملك الموحد عبدالعزيز بن عبدالرحمن الفيصل آل سعود رحمه الله.

يوم الوطن يوم المعزة والامجاد يوم توحد به وطنا نعده في كل عام نقول ثالث للأعياد الله يعيده كل عام ويرده بالعز للشعب السعودي والاسعاد بقيادة ملوك البلاد المجده اللي علينا عدلهم بالوطن ساد ومن صكته غبر الليالي تمده بالمال والا في صناديد الاولاد ومقاتلات كل شامخ تهده اليا نخاهم من تحدوه الاضداد اللي تفوقه بالعدد والمعده واقفوا بحقه ظلم واجحاف وعناد وخلوه سودان الوجيه المصده ولا له سوى فزعه هل الجود الاجواد اللي للطم الظلمه مستعده خيالة العوجاء لهم بالوفاء ماد الحق تعمل فيه والظلم ضده وفزعاتهم تروى بها عطش الاكباد وعدوهم يوطا على القاع خده بقيادة اللي له قديمات وجداد افعول قد للمواطن وقده بسم فهد تكتب وتنشر وتنشاد ابمجد تبي تبقى الاوادم تعده ويوم الوطن ذكرى رجاجيل وجهاد وصقر رسم خطة بلاده وحده صقر ثلاث عقود وسنين ماهاد يواصل الغارات في كل شده نوب صباح ونوب بالليل مهجاد لين الخليج استقبل بحر حده وحيا حماد اطريف نجران من غاد وحيا تبوك وقاع سلوى ابموده وخلى الجزيرة كلها عقب الاحقاد احباب والجهل ارتحل دون رده وخلا لنا دولة وكرسي ومقعاد في هيئة في ذاتها مجر هده هيئة امم تنعم بالامان والزاد وجميع باب يجيب شر تسده ورفرف علمنا واسمنا باسم من قاد مسيرة التوحيد بامره ويده عبدالعزيز اللي لنا جد ثم جاد مرحوم ياللي نقطف اثمار جده اللي إلى صرنا ركوع وسجاد ندعي له الله من قلوب توده