يا بلادي يا سند كل العرب
يامحط انظار كل المسلمين
اسمك المنقوش بحروف الذهب
مملكتنا للفخر تستاهلين
نرقص الحرفين في شوق وطرب
بالمحبه والولاء متماسكين
لو تبين ارواحنا قلنا وجب
كلنا لك فدوة لو تطلبين
كل من ينبوعك الصافي شرب
يجذبه لك زود شوقه والحنين
والمثل يا دارنا فيك انضرب
بالكتاب وبالشريعة تحكمين
الكرم خلاّك فخرٍ للعرب
كل يوم وكل عام وكل حين
والقمر لأرضك من الحب اقترب
رغبته يا دار تقبيل الجبين
