يا ديرتي ما مثلك اليوم ديره
أنا أتحدى لك شبيها ولك ند
بفضل الإله وثم راع المسيره
اللي عطاها كامل الجهد والجد
باخلاص أبو فيصل حكيم البصيره
قاد الوطن ومواطنه قمة المجد
واليوم زرع الفهد نحصد بخيره
يشهد له التاريخ بالفعل يشهد
وجهته للبيتين حدد مصيره
وجهة جميع الناس للرب تسجد
التوسعة هي هاجسا في ضميره
نفذ مشاريع بناها وشيد
وفر مجالات لشعبه وفيره
في مختلف كل النشاطات نصعد
بالعلم نحظى بالعلوم المنيره
والجامعات اللي لها فروع تمتد
غير المعاهد والمدراس كثيره
نبني الوطن بالعلم والجهل يشرد
وقامت مصانعنا بنهضة كبيره
وللعالم أصبحنا نبيع ونورد
غير الزراعة والثمار النضيره
الأرض تنتج وافر الخير نحصد
ما أقدر أعددها كبيرة صغيره
نهضة وطن يصعب عليّ حصرها جرد
هذا قليل من عطاوي غزيرة
عم الرخاء والخير والأمن يا نجد
يا موطن الإسلام مافيه غيره
أنشهد أن العين بحماك ترقد
وصلاة ربي عد خلقة وطيره
على رسول للبشر خير منجد
