لو بغيت بحبك أنظم للقصيد
يابلادي ويش أقدر أكتبه
بالمعاني ماأرى معنى جديد
يقدر يعبر مثل ماارغبه
كيف أعبر أن حبك بالوريد
مع حليب الأم من صغر أشربه
وإن عشقي لك ماهو توه وليد
أمي من صغري وهي تغذاني به
وإن حبك كل ما أكبر يزيد
والزمن حبك رسوخ أكسبه
صار راسخ وسط قلبي مايبيد
لين جسمي يبيد تحت الأتربه
يابلادي حبك بقلبي فريد
ماحظى بمثله سواك أو يقربه
وحبك أنتي عندي الحب الوحيد
فيه أتلذذ وأحسه ماأعذبه
وأشعر اني فيه مسرور وسعيد
حتى لوهو هد حيلي وأتعبه
وعيشتي بك لو مكبل بالحديد
ولالذيذ العيش دونك وأطيبه
وفيك أسكن لو بعشه من جريد
ولابغيرك قصر الكل يعجبه
وإن حصل اضطر عنك أصبح بعيد
وقت بعدي بالثواني أحسبه
وبروحي افداكي الى شد الشديد
وكل ماأملك فداكي أوهبه
ولجل مجدك نتحد أيد بأيد
ومن نواك بشر حنا نرهبه
وإن رأينا من يحاول لك يكيد
انبرينا له بنار تلهبه
صرنا فوقه سحب تدوي بالرعيد
ونمطره منها قذايف ترعبه
وزبدة الموضوع والقول المفيد
بك بلادي ويش أقدر أكتبه؟
