نبض الخفوق فوسط دمي غلاها
يجري غلاها في عروقي مع الدم
ذي ديرتي والعشق عشقي ثراها
اعشق صحاريها وعشقي لها جم
ريف الدخيل اللي دخل في حماها
في ظل أبو فيصل نسى ضيقة الهم
المجد عانق عزها في سماها
وفي خدمة التوحيد نفخر وتنعم
مرحوم ياحرٍ على الخيل جاها
عبدالعزيز اللي جمع شملها لم
فالحرب يوم الحرب دارت رحاها
كم واحدٍ اسقاه كاساتها سم
له صهوة العليا علا واعتلاها
وله سيرة التاريخ صارت ترنم
وله صفحةٍ فالمجد يبرق سناها
من عز أبو تركي تاريخنا تم
ذي ديرتي والمجد يمشي وراها
وأمن وأمان وفيها الرخا عم
واللي نوى بالشر يلمس حصاها
نسقيه من دمه كاسات علقم
