قلتها كلمة ولو شبت حرايق

داخلك واجتاحك اعصار وممات

قلتها وعندي ملفات الوثايق

شاهده بالحق ماني من الجناة

انزلي من قصرك العاجي دقايق

طوفي باسوار المدينة والحياة

شوفي الدنيا وعيشيها حقايق

اصحي لنفسك قبل فوت الفوات

عيشي مثل الناس واجناس الخلايق

والبسي ثوب التواضع لك عباة

الغرور اللي بوجهك غير لايق

ومشيتك منها خجلوا كل البنات

مدري وش بالناس نقص وفيك فايق

اعذرك لو صار بك زايد حلاة

للاسف غروك حساد الوقايق

صوروك الحور وزهور ونبات

لبسوك التاج يارخص العقايق

وامطروك بمدح يامهر ومهات

مثلوا دور المحبين الصدايق

وخدعوك بقول كاملة الصفات