اربع اشهر من غيابك قلبت فيني مواجع
ضيعتني حيرتني,, وانهت مشاعرنا وليده
اتصور خطوتي لاماتعودت التراجع
اعشق التفكير صامت,, وصمتي اثمر عن قصيده
ووقتي اللي ماعرفته مثل حد السيف قاطع
والسؤال اللي سألته كل يوم ارجع اعيده
باحسب اللي مامضالي والزمن عندي مراجع
وانت يافكري تفنن في كتابة ماتريده
يمكن القى بالكتابة حل لو كان متواضع
ويمكن احسبها وتطلع فوق ما اتصور واريده
والله قدرك ماتزعزع لو تغيب ولو تقاطع
باقي فقلبي مكانك ,,دام ينبض به وريده
ذا يميني ومافي داعي للمحامي والمرافع
يشهد الله مانسيتك حتى لو جدت جديده
اربع اشهر ماتهنن لاعيوني والاصابع
والله الماضي بحكمه,, يفعل اللي هو يريده
