تستاهلين إليا عطيتك خفوقي
تستاهلين أكثر من اللي خذيتيه
يامن خذيت أمن الصباح الشروقي
يا نور نور أيام عمري وامانيه
حسنك جمالك في جمالك تفوقي
كل الجمال وحزت كامل معانيه
جيتك معي باقة غلاية وشوقي
وقدمتها لك بأصدق أحساس مهديه
وشفتك تبادلني شعوري وذوقي
مرسول طرفك جاوب الشوق داعيه
واستقبلك قلب لشوفك شفوقي
يامرحبا ترحيب غالي بغاليه
يا أغلى بشر أنت الوحيد الصدوقي
عندي وباقي الناس ماله مشاريه
مادام حبك جاري في عروقي
وتبين لك في كل لحظة مواريه
ضم المشاعر للمشاعر تروقي
توج غرام القلب واسعد لياليه
واليا ابتدى بالغيم لمع البروقي
قلت الثرى عانق ضيا الغيم بيديه
