ما كل من وصى على الطيبه طاب
ولا كل من تبدي له السر مأمون
ولا كل من يرمي الهدف يا ترى صاب
يصيب جاهل والصياريف يخطون
إياك والزودة وطعن بالانساب
الزود نقص وراعي الطعن مطعون
الناس من آدم مكون من اتراب
وترى الفخر بالفعل والجرم ماعون
ومن دور الطوله بهرج القفا خاب
يالاقي فالناس هم فيك يلقون
وبالك تجي باعراض الأجواد سباب
مالك ومال الناس صاحي ومجنون
ما حصل الطوله للأجواد مغتاب
ومن صان عرضه عاش مكرم ومصيون
وان شفت زله حط من دونها حجاب
ترى الرجال لزلة السهو يرفون
وان جاك زله من صديقك والاقراب
ادمج خطاهم دامها سر مدفون
كد قيل دار بدار واصحاب بصحاب
والقوت له ناس تعرض ويبيعون
واقول عيش بعز في غابة الداب
اخير من ميوات وانهار بغبون