خلاص أنا بشكي لك القلب تعبان
لاقد رقد ولا اهتنا بالمعيشه
من فرقتك يامنية الروح حيران
ليله طويل وذكرياته وحيشه
أقضيه جنب الهاتف وكله أحزان
ياطول ليل المنتظر لو تعيشه
لو عشت مثلي تايه الفكر حيران
عذرتني يوم اشتكي له هويشه
وحسيت في لهفت خفوقاً له أزمان
يراقب الهاتف بنبضه وعيشه
يقول يمكن تتصل به على عشان
تسأل عن احواله وكيف المعيشه
لكن يمر الليل والدمع هتان
على الخدود وصايرٍ خف ريشه
