* مجول: علومك يا جوال؟
جوال: ابشرك بعلوم فرسان رجال.
* مجول: وش تقول عن عرس الفروسية اليوم.
جوال: ما هي غريبة على ابي متعب فارس الفرسان وما هي كثيرة على فارسنا الراحل شقران.
* مجول: مريت الاسطبلات عن قرب؟
جوال: اي بالله فرحة ومناسبات وعزايم.
* مجول: انشهد انها فرحة وهي تنسى عصرية الجمعة الماضي وصدق من قال على قدر اهل العزم تأتي العزايم.
مجول: الترشيحات وش اخبارها؟
جوال: يقولون بين الطويل وعز الطلب وشوده.
* مجول: وظفار الاخضر؟
جوال: كثيرون تناسوه؟
* مجول: حتى وهو وصيف بطل كأس الموحد.
جوال: كل بترشيحه يا مجول راضي.
* مجول: بس الاخضراني له عوايد؟
جوال: الله لا يضيع تعب من تعب وجهد من اجتهد.
* مجول: وش ظنك في مشاركة الغراف ومكاسب.
جوال: صدقني المشاركة لنجمي الابيض اغلى المكاسب.
* مجول: وش تقول في ترشيحات بعض المدربين؟
جوال: اربعة خمسة ستة وتصيب منها وحدة.
* مجول: بس يقولون سباق اليوم واضح المعالم.
جوال: انت تذكرني بأغنية واحد مصفوق يقول سالم يا سالم انت اللي سالم.
* مجول: والله اللي صرت تشقر يا جوال!!
جوال: هذي الدنيا ما تصفى على حال يا جوال؟
* مجول: وآخر العلوم؟
جوال: ابشرك يقولون سمحوا للشركات تشارك في السباقات.
* مجول: هذا عهدنا بالمسؤولين عسى الله يطول اعمارهم سنين.
جوال: امين يا رب العالمين.