ذنشرنا الأسبوع الماضي لغزاً كتبه الشاعر خلف الاسيد الشراري يقول:

يا جماعة خير وش رجلٍ بديع اطلقوا في مولده سرب الحمام اجمل اخوانه ولو صفوا جميع يبهر العالم بحسنه والقوام تاجده يا صاحب الذوق الرفيع في مكانه نصبوا فوقه خيام

وجاءت الحلول كالتالي:

مرحبا ما بان نوّار الربيع واعداد ماهل المطر ناش الغمام بالخبير وصاحب الراي البتيع ابن الاسيد اللي على فوق السنام صار له مدة,, وعلمه ما يشيع وعقب هل اليوم قلنا يا سلام ناشدٍ عن درة الكون الوسيع ملعب القايد عسى عزه دوام المليك اللي له الكايد يطيع احفظه يالله يا رب الأنام

فهد الجروان الزلفي
***********

مرحبا بك صاحب الذوق الرفيع يا خلف مرحب عدد وبل الغمام غبت يالغالي عسى عمرك ربيع وعدت والعودة بهازين الكلام لغز موزون وترتيبه فضيع اشهد انك يا خلف رجل تمام حله (استاد الملك) فاق الجميع بالرياض العاصمة فوقه خيام

صالح التميمي الرس
***********

يا خلف يا مرحبا بك يا الشجيع يا خلف لك عندنا قدر ومقام لغزهم في ما مضى ما هو سنيع يقبل الحلين ما هذا كلام وانت لغزك يا خلف حله سريع للملاعب سيدٍ فوقه خيام

عبد المجيد جزاء المغيري وادي الرشا
***********

لغزكم يا ربعنا جاكم سريع ارسله في سرعته قبل المنام واضحاً عندي مثل نجماً يليع ملعباً باسم الفهد رجل السلام درة التصميم نفخر به جميع خيمة منصوبة دون الغمام

ابراهيم بن تركي المقبل جنوبية سدير
***********

من بحث في وصف لغزك ما يضيع وما أظن يحتار من عقله تمام للملاعب درةٍ تلمع لميع اقترن اسمه باسم فهد الهمام

عبد الله سليمان اليحيا حائل
***********

مرحبا واهلين من بالن وسيع بالرجال اللي لهم قدر ومقام محلا المكشاة في وقت الربيع بين حد الضلع في طرق العدام وان بغيت الحل بالفاكس السريع يا صلك حل وفي بالتمام درة الملعب وله شانن رفيع يحمل اسم خادم البيت الحرام

محمد بن تركي الشلوي العيينة
***********

راح فصل الصيف جا فصل الربيع في سنة عشرين وأربع وألف عام نرسل حل اللغز بالفاكس السريع للرجال اللي لهم قدر ومقام للرجال اللي لهم شأنٍ رفيع عندنا لهم تحية واحترام والاستاد اللي حوى العالم جميع يوم ابو فيصل دعاهم للسلام شاركت كل الدول لأمره تطيع الزعيم اللي دخيله ما يضام

حميد بن موسى السليمي الرياض
***********

يا خلف حييت ما نبت الربيع يالكريم ابن الكريم ابن الكرام لغزك أصلاً من يريده ما يضيع بالرياض ابين لك الله من سنام افتتحه الفهد ستاد وسيع وانت سالم يالشراري والسلام

محمد عبد الله بن حسن عنيزة
***********

يالشراري لغزكم هذا فظيع وجبت حله يالشراري بالتمام حله استاد الملك فهد البديع ملعب الكورة ولا غيره كلام

حنيف بن سعيدان المجمعة
***********

للجزيرة نرسل اعجاب الجميع جاك حل اللغز مبداه السلام هو استاد الفهد مبناه الوسيع الفهد قايد مسيرتنا امام يالله يا اللي للدعا مجيب سميع تجعل القايد بخير كل عام

النشمي عودة الرويلي طريف
***********

مرحباً يا صاحب اللغز البديع بالجزيرة ناشره يا بن الكرام لغزكم واضح وانا احسبه الربيع وافتكرته يوم انا شفت الزحام ملعب الكوره مع الساحة وسيع والتحية للشراري واحترام

حمدي بن عبد الله البراك الرشيدي
***********

مرحباً واعداد ما حل الربيع وعد ما لريضان يملاها الغمام حل لغزك يا خلف زين الصنيع ملعب باسم الملك صنعه تمام

منيف مقبل الحربي النبقية
***********

عسى رب البيت يقدم بالربيع وتخضر اديار الجزيرة كل عام وعن حلول اللغز ما يمكن نضيع هو استاد الملك ما يبغى كلام

دخيل فضي الشملاني العنزي الرياض
***********

الله أكبر والامانة لا تضيع يا حرام ان كان ضاعت يا حرام للجزيرة وصلوا حلي سريع وصلوه وبلغوا مني سلام ملعب استاد الملك فخر الجميع معلم بالعاصمة مثل الوسام ما استطيع اوصفه لا ما استطيع روعة الاستاد ما فيها كلام

جهاد المطيري وادي الدواسر
***********

لغزكم يا هله ترى حلو فظيع معلم ببلادنا دار السلام يحمل اسم فهدنا وأبو الجميع دامت افراح الوطن والشيخ دام

أم فيصل المذنب
***********

اقفت ضعونه قبل فصل الربيع من السعة طب الخطر وسط الزحام ما يوصل خطنا ساع سريع انقطع عنه الخبر ما به كلام يفصم الموضوع ما ظنه يتيع بالاشارة يعرف المعنى قوام البيان مع المعاني والبديع قد درسها فاهم كل النظام ملعب الكورة بلمساته تضيع باسم من له عندنا قدر ومقام

موسم بن سفر القثامي
***********

الشراري قال له لغزٍ فضيع لين ذكرنا رفيعين المقام لين ذكرنا بنجم له لميع فيصل اللي للفخر لبس الوسام شيد الاستاد بالفكر الوسيع والرئاسة والملاعب والنظام يا شباب المملكة ادعو جميع الله انه يرحم امير السلام لغزك الاستاد خذ رد سريع درةٍ ما تنتوصف بالكلام

مبارك بن عائض بن حزام البقمي الرياض
***********

يا خلف لغزك يعرفه الجميع ياقع بشرق النسيم على الحزام يحمل اسم اللي شعبه له مطيع خادم البيتين رجلاً للسلام (استاد الملك) صرحاً يعرفه الرضيع وشهرته بالكون ما فيها كلام

جهيم بن عقيل الحربي القصيم
***********

يا خلف يا راعي العرف الوسيع ذاك معلم من معالمنا العظام ينظره من جاء مع الخط السريع تقصد استاد الملك يا بن الكرام حامل اسم كلنا جنده جميع باني النهضة فهد رجل السلام

سرور سفاح المطيري القصيم / المذنب
***********

يا خلف واللغز حله ما يضيع وللنشاما الرد ياصل والسلام ملعب الغالي فهد ابو الجميع يعجز الشعار وصفه والكلام الضخامة فيه والشكل البديع عالمي ومعروف من شرق وشام

محمد بن عبد العزيز الخنيفر
***********

ياخلف لغزك يجي حله سريع نضربه بأفكارنا مثل السهام ما يضيع اللغز عندي ما يضيع ملعب الاستاد ما فيها كلام

مناور منديل المريخي