محاورة جرت بين الشاعرين الكبيرين احمد الناصر الشايع وعبدالعزيز حمد البادي (رحمه الله) والتي جرت في محافظة عنيزة,.
أحمد:

مرحبا ترحيبةٍ يجذب الساري سناها عد ماهب الهوى من جنوب ومن شمالي سيروها يا عرب لين تاصل منتهاها ولا يهوش اللي حزامه نهار الحرب خالي

عبدالعزيز:

ارزمي يالمزنة اللي يشوقني حياها جاك جذاب الدلي من طويلات المدالي عارف سيرتك يا صاحبي من مبتداها فيك عزم وفيك من داخل الضامر جفالي

أحمد:

البروق اللي تكاشف ولا طقطق سماها الضماء حرق ضميري يابو زيد الهلالي أنت لك نفس ثقيلة نبي بنحث خفاها والمجنن يابن بادي تربطها الحبالي

عبدالعزيز:

يرزمن رعودهافي صباح وفي مساها جعل فال الخصم في ذا السنة ما هوب خالي انت رجلك بالحتيفه تشكي من حفاها ما تسير كود فوق الدكاكه والرمالي

أحمد:

الخصيم مقيط دلوه يلحقها/ شاها تطلع الشمس الضحى ثم ينحاها الظلالي جيتكم طرقي ويمناي تومي في عصاها وان بغيت اسري ظهر مكسبي مع راس مالي

عبدالعزيز

كم نفس يا بو ناصر نعيفها عشاها شد حيلك ثم خلك مع الصف الموالي تجري الايام وأيامنا واجد غثاها لو كتمت العلم في ولف لا يصلاك صالي

أحمد:

انت عينك هالسنة كلها نسحن دواها هالليالي حمولنا كنها سمر الجبالي ليه نفسك ترتهب من خلاها في خلاها وان لزمتك يابن بادي يبا يرتاح بالي

عبدالعزيز:

ناويً لك نيةٍ منت ظني في حراها أنت تأخذ حجتك بأول الوقت ارتجالي كاحلٍ عينك بكحلٍ يسببله عماها ما معك ذا الليل بالوقت حيله واحتيالي

أحمد:

الذياب جياع وأنته عشاء ولا غداها ما تجوز من العيا والمعاند والجدالي العميل اللي حروف المطوع ما قراها ما له إلا الخيزرانه ليا حل المجالي

عبدالعزيز:

الذيابه ما سمعنا بها لديره عواها زاهبً لك بالنكد والعقوبة والنكالي وأنت واقف ما تهاوش ولا تلقط حصاها اما أنا اللي عارفً مكسبي من راس مالي