القلب باقي له معك بالغلا شف

لا تحسب انه يا ريش العين سالي

فيه الغلا لازال لك ما بعد جف

رغم البطا مافيه غير انت غالي

يغليك دايم لك بالاشواق ما خف

ليتك تحس بلوعته لك ليالي

قلب بحبك يا هوى البال لك رف

عطه الغلا بدل له المر حالي

واعطف عليه وبالمواصل معه وف

لا تحرمه شوفك ترى البعد طالي

وعنه الولع والشوق ياغايته طف

هو ليه قلبك له من الحب خالي

ما دام باقي له معك بالغلا شف

ولا فيه يوم مر عنك انت سالي