يا الله اني دخيلك من رداة النصيب من تردى نصيبه عزرت به مره

راشد بن جعيثن

يابو محمد بهالبيت قصد رهيب فيه نوع احتقار ومقصدي تخبره

***

يالعن ابو فن الحفر يارجاجيل أنا أشهد انه ديرة عبقريه

طلال حمزه

بالبيت ذا لعّنت ديرة هل الحيل وحطيتها لعبقر وهي آدميه

***

ياكثرهم ناسٍ لك اتطيح وتقوم تجمعوا للنور كل يريده

(هلال المطيري)

يا هلال وش هالوصف والقصد معلوم صاروا فَراش الناس حول الوقيده

***

ولو قالوا كثير من الكلام الله اقول,,, يموت أنا ما أتنكر لعرقي ولو هو ما وسع دمي

محمد علي الحربي

هذولا يقصدون ان اغلب أبياتك بليا صوت وأظنه واضح من البيت ذا لو جيت متحمي

***

كنت اكره البحر وأخاف الغرق فيه واليوم أحبه وأخاف من المواني

رشيد الدهام

لله درك على البيت ومعانيه أحسه أحيان طالع من كياني

***

يشهد علي القلم ما عاد عندي جديد ياكود ذكرى قديمة باهت لونها

ماجد الشاوي

يا ماجدالعذر ذا لمتابعك مايفيد لا تترك الساحة لناس يغثونها

***

كونت لي عرش رفيع مقامه ما ياصله جن ولا ياصله ناس

الراسيه

وأنتي من اي أجناسهم بالسلامه لا صار طال اثنينهم دونك الياس