حل الوداع وما بقى شي ينقال

شدّي العباية يالهنوف وتغطّي

كثر الخطا يا غالية يتعب الحال

واللي يحلف من الخطاليه يخطي

ليتك تعيشين الهوى بقلب رجال

وفي وقتها تدرين اهو اش كثر يعطي

لاتحسبين إن الهوى شرب فنجال

وإنك وصلتي يوم طحتي بشطّي

أحوالنا يابنت أحوالها أحوال

مرَّ يعجل شعفها ومر يبطي

صحيح انا عطيتك احلام وآمال

لكنك اللي ماوفيتي بشرطي

ارسلت لك خطي مع كل رحال

واظنك إنك ما التفتي لخطي

من ذكرياتك ماخطر لي على بال

الا الجروح اللي على الجوف تسطي

قلبك خلا ماكنه إلا أشهب اللّال

وقلبي عشب روضٍ نباته مغطّي

والصفعة اللي لاسمت خد رجال

ماتنغفر حتى ولوكان مخطي

وحل الوداع وما بقى شي ينقال

لفّي العباية يالهنوف وتغطي