يقول اللي نظر في حال من دنيا الشقاواهتال
ألا يامل قلبٍ من هجوسه طايفٍ طوره
إلى مني ذكرت اللي مجالسهم تسر البال
غدو في لوحة الايام ذكرى احداث منشوره
كثير الناس لو ها عايش في عزها وظلال
تراها في نظر نصف الملا حيه ومقبوره
سلام الله عليكم يا رجال المال والاعمال
محللة الرموز وظاهره بالصوت والصوره
مجال ما دخلته في حياتي والسنين طوال
حدانا الوقت عنه وراح عنا واشتهى دوره
ترى من تابع الدنيا شقاها كنه السلال
يسل الروح لين تروح مثل مطرد الكوره
ترى دنيا الفنا نزالها يا مفتهم رحال
جمع والا عمر والا زرع غابات مشهوره
إلى ميزت فيها ما تساوي نصف حبة هال
واشوف الناس فيها صايرين وحوش مسعوره
انا مالي عقار ولا مشاريع تجيب المال
معبرها بدنيا العبر والاحوال مستوره
إلى منه سلم راس الفتى حوش الزوال يزال
طويلات الحبال بتالي الايام مقصوره
رجال في بيوتٍ للنشامى دايمٍ مدهال
مسافير الوجيه ووقتهم ماحسبوا جوره
عسى يسقي تراب قبورهم من مزنها همال
عسى ذيك النفوس بجنة الفرودس ماجوره
