ماحد وفى لي مثل ما سهيل وافي
دايم يجي في موعده مر الاعوام
وانا اعد سهيل للقلب شافي
واحد يعده نجم من حوله اجرام
يا سهيل عقب الزين ما نيب غافي
وباكتب قصيد الحب بجروح قدام
ليت السعاده طيرها ما يجافي
وليتي اذوق الشهد في غير الاحلام
وياما رفعت الراس والليل صافي
وياما حسبت الدمع من جور الايام
كلي عذاب وامشي الشوك حافي
بدرب طويل اوله هم واوهام
بعض البشر يوفي ولا هوب هافي
وبعض البشر في جفوهم دايم كرام
يابنت انا لوافي ولا نيب جافي
واشلون اجفا والجفا كله الام
هاذي المشاعر وما بقي شيء خافي
يومك حكمت لحبنا بحكم الاعدام
