خذي من عمري الضايع دليل ولا تذليني
واذا عزت عليك النفس حبيها وذليها
خذيني للغروب ولو خذتك الشمس خليني
واذا صاحت لك القمرا خذيها لا تخليها
عطيني من هنا عمرك بقايا ولا تهنيني
واذا كان البقايا حب خليها وهنيها
عطيتك كل ما املك ولا باقي سوى عيني
اخاف اعطيك ثم ارجع اقول ارجوك هاتيها
عيوني كل ما املك ولابك شيء يغنيني
اخاف ان خذتي عيوني تخوني وما تراعيها
عزيزة نفسي وقلبي رفض بالحب يعميني
خشى لوجيت اكحلها معك بالحب اعميها
اذا في داخل اعماقك مشاعر شوق تعنيني
خذيها للسماء وبكل جفا ونكران ارميها
خلاص الحب واللا من حياتي ومن شراييني
مدام انك اخذتي النفس وياويلك ذبحتيها
