ألا يا طير غرد واطرب الدنيا بالالحاني
وسري ياخوي الدرب للعدوان لا تفشيه
انا خلي نظر عيني حبيب الروح حياني
وناظرني برمش العين وناداني وقال اش فيه
انا شفتك حزين وجالس لحالك وزعلاني
وترا كثر الزعل ما فاد مخلوق ولا يعنيه
وقفت وقلت يا عونك وراك تزيد هجراني
وانا ما قدر على هجرك ونفسي ما تبي طاريه
انا عقبك لذيذ النوم جافيته وجافاني
وانا كثر الجفا يازين ما اريده ولا ابغيه
لواهيب الحشا شبت بوسط الجوف نيراني
وحالي لو شكيته للصخر عقب الجفا يبكيه
انا ما احب غيرك يا خفيف الدم انساني
وقلبي ما ذكر غيرك بهالدنيا ولا يطريه
حقيقة صعب تجهلها وتنساها وتنساني
وتبلى قلبي من حبك وتأخذ منه ما تعطيه
وقفى وابتعد عني وصد وزاد حرماني
وانا المحتار في امري وانا اللي حظه معنيه
