* شفت في الجمعية غرفة مكتوب عليها المقهى الثقافي,, ما يجيه أحد,, الظاهر يبي له معسل وشوية فضائيات,, شرط نشوف المثقفين يتزاحمون,, خاصة اللي يعسلوا بالحداثة.
***
* الحقيقة ان عامر الحمود غاوي مشاكل,, كل ما سوى له مسلسل راح يهدد برفع شكوى لأي واحد يأخذ عنوان مسلسله ومن زود قوة الوجه,, حاط له محامي يكتب له شكاويه,, ليته يعرف ان ما وصل إلى ما وصل إليه إلا على اكتاف الطيبين مثل القصبي وخالد سامي وغيرهما.
***
* ما عاد صار لأبو بكر سالم جمهور مثل اول,, وصار الطلب عليه قليل,, ورغم ان مواقفه عند الازمات ماهيب زينة,, لكن اللي كانوا في أزمة وجهوا له دعوة للمرة الثانية,, يغني في حفلاتهم,, عساه (يقنع قلبه).
***
* مسكين راشد الشمراني وقع في ورطة يوم عرض له التلفزيون حلقة الفياجرا ضمن حلقات طاش 7,, وهي الحلقة اللي رفضها التلفزيون في طاش 6 للعام الماضي,, الورطة انه صار غير موثوق به فنيا,, لكن اكيد راشد ما راح يترك الناس زعلانه عليه,, راح نشوفه نجم في الجاي بإذن الله.
***
* الذين يقولون ان مسلسل العولمة لم يحقق النشاط المطلوب,, يستدلون بالحفل اللي سواه عامر العام الماضي بمناسبة نجاح مسلسله عائلة ابو رويشد واللي كان وراء نجاحه بجدارة واستحقاق النجم خالد سامي,, ويقولون انه لإحساس عامر بعدم تقبل ونجاح العولمة,, ما سوى حفل عشاء بعد عرض المسلسل,, معليش يا عامر مرة تصيب ومرة تخيب.
***
الحقيقة ان محمد عبده أكل الاخضر واليابس على كل الفنانين في حفلات أبها,, وحفلات قطر,, وبياكل عليهم الجو بعد في حفلات الكويت عشان هلا فبراير وأحسن ما سواه أبو نورة الله يخليه لمحبي الاغنية العربية الراقين,, انه كشف نجومية كاظم الساهر المزيفة اللي صنعها الاعلام العربي المضاد,, وكل عام ومحمد عبده يقدم لنا ألف اغنية وأغنية كلها خير.