ما عاد ننفع بعضنا رح وأنا أروح
ما نيب أعاشر من يشك بوليفه
أرحل وعيش بذكرياتك ومسموح
ما عاد أبيك إن كان نفسك ضعيفه
باكر بتندم ثم تكثر من النوح
وتعلمك دنياك كم هي مخيفه
لا لا تقول أني بعد رحت مجروح
جرب ولو مره حياة كليفه
قبلك أنا كم صحت والصوت مبحوح
كل من سمعني راح مسرع هريفه
حبٍ مثل حبك فلا فيه مصلوح
شك وعذاب والفشل هو حليفه
وذكراك في قلب حزين ومذبوح
نسيتها,, واليوم عندي خفيفه
أقفيت عنك وموقفي كان بوضوح
وكتمت سرك وسط حالٍ نحيفه
وبلقى بدالك من بيرخص لي الروح
وأعيش أنا وياه دنياً مريفه
