انا الغريب اللي غدا فكره اشتات
ما بين نكبات الزمان وعذابه
في حيرتي اصارع ايام الأوقات
وانثر على صدر الزمان الكتابه
اعاتب ايامي على كل ما فات
وارجع ونفسي في ذهول وغرابه
افكاري اللي شارده تجرح الذات
في واقعي صارت ظروفي تشابه
شف الحزن ما فارق العين لحظات
يصفق على وجه الزمن غيض ما به
اطارد اوهامي على كف الآهات
والا الأمل فارق عيوني سرابه
مات الوفا في غربتي والأمل مات
مات السؤال ولا لقيت الاجابه
