يا نجد لك في كل قلب مكانه
لكن بقلبي مابه أحد يعادلك
غلاك عندي ما قدرت أوصفانه
ومشاعري بالود جت لك تبادلك
الله يكافيك العدو وحسدانه
ويدوم فيك الأمن ويعز عاهلك
ماضيك تاريخه رسم له بيانه
وحاضرك يشهد لك بماضي فعايلك
كلك درر والعاصمة فيك دانه
مابه ولا نفس على الكون تجهلك
مجدك ظهر صيته وراسي كيانه
بين الأمم تبقى رفيعه منازلك
أميرك المحبوب معروف شانه
اسمه وفعله بالمحافل يجملك
سلمان يسلم لك وتسلم اخوانه
برعاية الله طيب سلمان شاملك
يا نجدسعدك والي الأقدار صانه
واضفى على كل الخلايق جمايلك
أنتِ ملاذ اللي غدر به زمانه
ضلك يضل وضل ربي مضللك
جعل السحاب اللي يحن ارعدانه
يملا الملازم بك ويخضر مسايلك
أحيا القلوب المملحة بارجعانه
آمين يارب علينا فضايلك
