لحظة سكوت,, ولحظة تجرح العين

في موقفٍ بانت عليه النوايا

ضاع الشتات,, ولملم الحزن جرحين

وخافن يديني يجمعن البقايا

يالله اجرحيني كانك اليوم تقوين

كل الجروح اللي تجيني,, هدايا

هذا وأنا أرجي وصالك من سنين

ما شفت غير الدمع يجبر عزايا

قلبي تسبب لي,, وعشت الأمرين

صارت حياتي كلبوها فدايا

كلش تبين,,ويش ودك تخفين؟!!

هو عاد باقي في حياتك خفايا

أسرار قلبي عنّها الناس دارين

ما همني يا بنت كثر الرزايا

المعذرة بنهي غرامي,, من,, الحين

ولا عاد لك عندي كلام,, ووصايا

مايتبع المغرور,, كود المجانين

لو كان من زينه تغار المرايا

ويا بنت أنا ما همني دمعة العين

مهمابكيتي,, هالمدامع ,, هدايا