اشتاق لك ياسيد كل الغنادير
شوق الرياض لعاليات المزوني
احبك انت الحب مالي وللغير
عندي عزيز غالي ماتهوني
لك ميزة عندي وقدر وتقدير
مير الليالي خالفتني ظنوني
الناس والدنيا حظوظ ومقادير
فيما مضى من الحب يوم اسألوني
البارحة عيّت تعدي على خير
عيت تنام الليل كله عيوني
اتعبت نفسي في كثير التفاكير
وش طالني غير التعب يافتوني
كم لي اكابد في دروب ومشاوير
وانتم غرامي والحديث وشجوني
الطبعة الاولى