ما قربت بعد القلوب الوسايل
لو حط بعض الناس بيجر وجوال
بعد القلوب اللي غدا اليوم هايل
ولا المسافة مابها عندنا اشكال
بالمجتمع لاحظت ناس قلايل
يقول ناسي هاتف العم والخال
يقصر عن أقرابه وللغير طايل
يركض لناس وناس ماهم على البال
هذاك ميزانه عن العدل مايل
ونبينا في وصل الاقراب وش قال
ولا عم في قولي جميع الحمايل
ولاني من اللي عمم القول لاقال
البعض نال من الوسايل فضايل
اجر وغنيمه حصلوا كل الاحوال
عندي عن الاجحاف طرق وبدايل
احب عدل القول واكره ليامال
ولا قدم الحجه بليا دلايل
ماقول غير الحق والحق ينقال
الطبعة الاولى