مل قلب كل ما قلت يبغى يستريح
عن دروب العشق يسلا ويكسب عافيه
زاد شوقه كل مالاح لا زول مليح
واستجدت بالضماير جروح شافيه
والله اني ما احسب ان الهوى يجرح صحيح
لين صابتني سهوم الهفوف الوافيه
كامل الأوصاف والعرف والعقل الرجيح
من بنات الاصل ماهي غنوج هافيه
من تناظر به لزوم من النظره يصيح
ونار قلبه تشتعل عقب ماهي طافيه
كنت ألوم البعض في حب زينات المزيح
واثر ما عندي خبر بالأمور الخافيه
الهوى سنة هل الطيب والرامي الفليح
والدلايل للرجال الفهيمه كافيه
الدجيما من غرامه على خله ذبيح
والخفاجي وردنه وروب جافيه
راح وأمه من عناها تنادي له تصيح
وانتحى مع ساقة ام الشعور الصافيه
يا الله انك ترحم اللي من الفرقا جريح
عقب ما ذاق العسل من ثنايا صافيه
ودي اشرح وتمادى مع الحب الصريح
مار بالعراف شابت حروف القافيه
الطبعة الاولى