من ضفاف الياس بكتب لي قصيد

ومن ضنى وجدي يسولف للحروف

بستفز الحرف والقاف العنيد

واجمع أبيات على بالي تطوف

في حياتي جرح واحزاني تزيد

من بدا الفرقا هنايه في عزوف

لو بغيت اسلي وابطرب بالنشيد

داهم اوكار الفكر هم وخوف

كم بكيت من القهر في يوم عيد

كم منعني عن وليفي من ظروف

وش بلا حظي تعثر من جديد

وش بلا الدنيا قست لي ما تروف

كيف انا خلي عن اعيوني بعيد

كيف ابعثر ظلمة العين وتشوف

كيف ابين من عنايه للقصيد

كيف اسولف يا عذابي للحروف